ਫਿਲੀਪੀਨਜ਼ ਦੇ ਕਿਊਜ਼ਨ ਸੂਬੇ ‘ਚ ਖੂਹ ਦੀ ਖੁਦਾਈ ਕਰਦੇ ਸਮੇਂ ਦੋ ਮਜ਼ਦੂਰ ਖੂਹ ‘ਚ ਜ਼ਿੰਦਾ ਦੱਬੇ ਗਏ, ਪੁਲਸ ਨੇ ਬੁੱਧਵਾਰ ਨੂੰ ਇਹ ਜਾਣਕਾਰੀ ਦਿੱਤੀ।
ਪੁਲਿਸ ਨੇ ਦੱਸਿਆ ਕਿ ਚਾਰ ਮਜ਼ਦੂਰ ਖੂਹ ਅੰਦਰ 13 ਫੁੱਟ ਡੂੰਘੀ ਖੁਦਾਈ ਕਰ ਰਹੇ ਸਨ ਉਦੋਂ ਦੁਪਹਿਰ ਕਰੀਬ 2:30 ਵਜੇ ਮਿੱਟੀ ਡਿੱਗ ਗਈ।
ਬਚਾਅ ਕਰਮੀਆਂ ਨੇ ਹਾਦਸੇ ਦੇ ਘੰਟਿਆਂ ਬਾਅਦ ਦੋ ਮਜ਼ਦੂਰਾਂ ਨੂੰ ਬਚਾ ਲਿਆ ਪਰ ਬਾਕੀ ਦੋ ਨੂੰ ਬਚਾਉਣ ਵਿੱਚ ਅਸਫਲ ਰਹੇ ਕਿਉਂਕਿ ਵਰਤਿਆ ਜਾ ਰਿਹਾ ਬੈਕਹੋ ਖਰਾਬ ਹੋ ਗਿਆ ਸੀ। ਪੁਲਸ ਨੇ ਦੱਸਿਆ ਕਿ ਬਚਾਅ ਕਰਮਚਾਰੀਆਂ ਨੇ ਬੁੱਧਵਾਰ ਨੂੰ ਟੋਏ ‘ਚੋਂ ਦੋਹਾਂ ਦੀਆਂ ਲਾਸ਼ਾਂ ਕੱਢੀਆਂ।
ਪੁਲਿਸ ਖੁਦਾਈ ਗਤੀਵਿਧੀ ਦੇ ਉਦੇਸ਼ ਦਾ ਪਤਾ ਲਗਾਉਣ ਲਈ ਜ਼ਮੀਨ ਦੇ ਮਾਲਕ ਤੋਂ ਪੁੱਛਗਿੱਛ ਕਰ ਰਹੀ ਹੈ, ਜੋ ਕਥਿਤ ਤੌਰ ‘ਤੇ ਜਾਂ ਤਾਂ ਪਾਣੀ ਜਾਂ ਖਜ਼ਾਨੇ ਦੀ ਭਾਲ ਕਰਨ ਲਈ ਹੋ ਰਹੀ ਸੀ।